11 Weke

Ampertjies 11 weke nou baba lief. Ons loer vir jou op 10weke 4 dae. Jy is al 47mm lank, armpies beweeg en bene skop! Jou hartjie klop mooi en alles is in plek.

XXX

10 Weke

Ons het vir jou gaan loer by Oupa-groot se spreekkamer laas naweek, hier is jy op 9 weke. Mens kan sien daar is al bolletjies langs jou lyfie vir armpies en beentjies.

Op 10 weke so groot soos 'n pruim of 'n baba lemoentjie.

Volgende week loer ons weer vir jou!

9 Weke

Nou so groot soos 'n olyf of druiwe korrel, soos boeta sal sê dwywe.

Mamma begin nou beter voel ek het vir die eerste keer weer 'n behoorlike eetlus en ek voel "honger" eerder as wat ek voel ek "moet" eet om beter te voel. Dis 'n verligting!

8 Weke - nou eers 'n boontjie.

Mamma voel nie aldag so lekker nie. Nie regtig naar nie, maar nie 'n wilde eetlus nie, alhoewel ek weet as ek eet gaan ek beter voel. Dis so bietjie 'n "vicious cycle" Ek wil nie eet nie, want ek voel nie lekker nie, maar as ek eet voel ek beter.

My vel slaan wild uit, in my nek, ek kan nie onthou dat dit so was met boetie nie. Ek is die keer ook baie meer emosioneel en soms bietjie "moody"

Anders is daar nie klagtes nie, om 'n lewe in jou te hê en te weet jy voed 'n nuwe mensie is genoeg om enige "slegte" gevoel te laat weg gaan.

Mamma is klaar oneindig lief vir jou!